Գերաշնորհ Տեր Նարեկ արքեպիսկոպոս Ալեէմէզեանի հետ կլոր սեղան-քննարկումից հետո

Մարտի 22-ին, ժամը՝ 13։00, Ավագ դպրոցի ընթերցասրահում տեղի ունեցավ կլոր սեղան-քննարկում Գերաշնորհ Տեր Նարեկ արքեպիսկոպոս Ալեէմէզեանի հետ։ Նորին սրբազնությունը՝ գերաշնորհ տեր Նարեկը, ՀԱԵ Անթիլիասի կարթողիկոսության արտաքին կապերի պատասխանատուն է։
Կլոր սեղանը բաղկացած էր երեք մասից՝

Արևմտահայերենը հեղինակային կրթական ծրագրում՝ մայրենիի հանրակրթական համակարգում․ Մարիետ Սիմոնյան,Հուրի Աթթարյան, Արևիկ Ներսիսյան, Տաթև Աբրահամյան, Հասմիկ Թոփչյան, Անուշ Ներսիսյան, Սոֆյա Այվազյան և սովորողներ
Հասարակագիտական նախագծերի ստուգատես․ միջմշակութային հաղորդակցության նախագծեր, հանրակրթական կամուրջներ՝ Երևան-Ստամբուլ․ Վարդան Կարապետյան, Մարթա Ասատրյան
Հոգևոր Հայաստան, Ուսումնական Պատարագ, Կանթեղ հոգևոր բլոգ․ Հասմիկ Մաթևոսյան, Նունե Մովսիսյան, Սեդա Թևանյան և ընկերներ․

Նորին սրբազնությանը սկզբից ներկայացան մեր դպրոցի արևմտահայերենի մասնագետներն ու ուսումնասիրողները։ Ներկայացրին սովորողների կատարած արևմտահայերեն նախագծերը, ուսումնասիրությունները և այլն։ Նշեցին նաև, որ «Մխիթար Սեբաստացի» կրթահամալիրը կարևորում է արևմտահայերենն ու դրա շուրջ իրականացված նախագծերը։

Այնուհետև «Տիգրան Հայրապետյան 2022» մրցանակակիր սովորողներով ներկայացրինք հասարակագիտական ստուգատեսը և «Տիգրան Հայրապետյան» մրցանակը։ Նախ խոսեցինք հասարակագիտական ստուգատեսի բովանդակության, ուղղությունների մասին, այնուհետև ստուգատեսի շրջանակում իրականացված հանդիպումների, նախագծերի, քննարկումների և կլոր սեղանների մասին։ Ապա ներկայացրինք Տիգրան Հայրապետյանի օրվա՝ Մարտի 18-ի օրակարգը և իրականացված միջոցառումների շարք։ Ներկայացրինք նաև մրցանակաբաշխության կարգը՝ առաջադրման, ինքնաառաջադրման, նախագծային փաթեթի ներկայացման փուլերով։

Ստուգատեսի ներկայացումից հետո ներկայացան նաև 12-րդ դասարանի սովորողները, ովքեր մասնակցել էին Երևան-Ստամբուլ նախագծին և մեկնել Պոլիս, ծանոթացել այնտեղի հայերի հետ և կապել կամուրջներ նրանց հետ։ Խոսեցին նաև իրենց տպավորություններից և հետճամփորդական գործողություններից։