Բացի մետաղադրամների որոնումից, ոսկու հայտնաբերումից կամ շատ այլ բաներից, որոնք դուք կարող եք անել ձեր մետաղորսիչով, կա մարդկանց մի մեծ խումբ, ովքեր հանում են իրենց մետաղական դետեկտորը հին իրեր փնտրելու համար: Ոչ միայն հին իրեր, այլ անցյալի հուշեր: Սա կոչվում է մասունքների որս:
Եթե մտածում եք մասունքների որս անելու մասին, զգույշ եղեք: Մասունքների որսը կարող է կախվածություն առաջացնել: Վաղուց եկած իրեր գտնելը, ինչպես դաշնակցական զինվորի բաճկոնի կոճակը կամ միության բանակի գեներալի գոտու ճարմանդը, այնքան պարգևատրելի է:
Մասունքի որսորդները էնտուզիաստներ են, ովքեր որսում են արտեֆակտներ և հուշանվերներ անցյալի իրադարձություններից, հիմնականում մարտերից և պատերազմներից տարիների ընթացքում: Նրանք շատ ժամանակ են ծախսում տվյալ տարածքի պատմությունը ուսումնասիրելու և պարզելու վրա։ Հետո գնում են որսի։
Մասունքների որսի հիանալի բանն այն է, որ կան հսկայական տարածքներ, որտեղ կարող եք գնալ որսի: Հին ճանապարհներ կամ արահետներ. բազմաթիվ ճանապարհներ անտառապատ տարածքներում եղել են դարեր շարունակ: Հին տան հիմքերը, հին դպրոցական տները, լքված խանութները հիանալի վայրեր են դետեկտորը վերցնելու համար: Փնտրեք խորշեր, որտեղ կարող էր հին նկուղ լինել: Հին նկուղներում կարող են շատ արտեֆակտներ լինել: Նայեք գետերի ափերին կամ չորացած առուների հուներին: Հին ժամանակներում մարդիկ գնում էին գետի կողքով՝ մի տեղից մյուսը հասնելու համար։ Գետը ճանապարհորդության և առևտրի աղբյուր էր։ Գետերը մարդկանց փրկության օղակն էին։
Նաև հին երկաթուղային գծերը կարող են արտեֆակտների մեծ աղբյուր լինել: Նայեք ձեր տարածքում: Համոզված եմ, որ դուք կարող եք բազմաթիվ գաղափարներ ունենալ, թե ուր գնալ: Փնտրեք համացանցում կամ գնացեք ձեր տեղական գրադարան: Տեղեկություններ կան, որոնք կարող են օգնել ձեզ գտնել, թե ուր գնալ:
Ինչպես միշտ, մի մոռացեք թույլտվություն ստանալ հողի սեփականատիրոջից և թողնել ցանկացած տարածք, ինչպես եղել է: Մի փորեք փոսեր և մի թողեք դրանք բաց: Միշտ ծածկեք ձեր փորվածքները, երբ ավարտեք: Եղեք զգույշ, քաղաքավարի և զվարճացեք:
Սոնա Բալայան 
One thought on “Թարգմանչական նախագիծ. Մասունքների որս – Բացահայտենք պատմության մի մաս”